კურსის ხელმძღვანელიასოცირებული პროფესორი ბექა კობახიძე

სასწავლო კურსის მიზანია სტუდენტებისათვის კავკასიის პოლიტიკური სუბიექტებისა და ხალხების ახალი და უახლესი ისტორიის შესწავლა; დასავლეთ ევროპულ, რუსულ და ქართულ საარქივო პირველწყაროებზე მუშაობის მეშვეობით სტუდენტებში ანალიტიკური, კვლევის უნარ-ჩვევების განვითარება; დასავლურ აკადემიურ სივრცეში აღნიშნულ საკითხზე დღემდე დაწერილი საუკეთესო ნაშრომების გაცნობა; კავკასიურ პოლიტიკურ სუბიექტებსა და ხალხებს შორის არსებული ურთიერთობების, კონფლიქტების ისტორიის, მათი ფესვებისა და განმაპირობებელი მიზეზების განხილვა; კავკასიელ ხალხთა საზოგადოებრივი ევოლუციის – გვიანფეოდალური პერიოდიდან 21-ე საუკუნემდე – შესწავლა.

სტუდენტები გაეცნობიან რეგიონში არსებული სხვადასხვა ნაციონალური სუბიექტის ნაციონალისტურ ურთიერთგამომრიცხავ ისტორიოგრაფიულ ნარატივებს, ამ ნარატივთა გავლენას თანამედროვე პოლიტიკის შექმნაზე. კავკასიის ისტორია განხილული იქნება გლობალურ ისტორიაში მიმდინარე ტრანსნაციონალური პროცესების ფონზე.