კურსის ხელმძღვანელიმიჩიგანის უნივერსიტეტის პროფესორი რონალდ გრიგორი სუნი

სასწავლო კურსის მიზანია სტუდენტს გააცნოს ერების ფორმირების ისტორიული პროცესი და ამ პროცესზე ისტორიის, პოლიტიკისა და კულტურის გავლენა.  სტუდენტები გაეცნობიან ნაციონალიზმის თეორიებს, ნაციონალიზმის კვლევის გამოცდილებას და მისი კვლევის ინტერდისციპლინურ – ისტორიულ, პოლიტიკურ, სოციალურ, ანთროპოგენულ და ფსიქოლოგიურ – პერსპექტივებს. სასწავლო პროცესში განსაკუთრებული აქცენტი გაკეთდება ისტორიოგრაფიასა და პოლიტიკის მეცნიერებაში ნაციონალიზმის კვლევის მნიშვნელობაზე. კურსის გავლის შემდეგ სტუდენტს შეეძლება პასუხი გასცეს შემდეგ შეკითხვებს: რა არის ნაციონალიზმი? როგორ წარმოიშვა ის? რა ურთიერთქმედება ახასიათებს გლობალიზაციასა და ნაციონალურ სახელმწიფოს?