კურსის ხელმძღვანელიპროფესორი სტივენ ჯონსი

კურსის მიზანია სტუდენტებისათვის თანამედროვე საქართველოს ისტორიის უმნიშვნელოვანესი პერიოდის გაცნობა, პერიოდისა, რომელსაც საკმაო ხნის განმავლობაში ნაკლები ყურადღება ექცეოდა ქართველი თუ დასავლელი ისტორიკოსების მხრიდან. კურსი მოიცავს საქართველოს ისტორიას 1890-იანი წლებიდან 1921 წლამდე, საბჭოთა რუსეთის მიერ საქართველოს ოკუპაციის ჩათვლით.   სტუდენტები გაეცნობიან აღნიშნულ პერიოდში დაწყებულ ინდუსტრიალიზაციის, ურბანიზაციისა და ქართული ნაციონალიზმის ჩამოყალიბების პროცესებს; ქართული პოლიტიკური ძალების შექმნის ეტაპებს, რევოლუციურ მოძრაობებს, საქართველოს დემოკრატიული რესპუბლიკის ჩამოყალიბებისა და განვითარების პროცესს. სტუდენტებს მოუწევთ პირველწყაროებზე მუშაობა.